மூடப்பட்டிருந்த!

மூடப்பட்டிருந்த பள்ளிக்கூடத்தில்

வரிசையில் சென்று கொண்டிருந்தன 

சின்னஞ்சிறு எறும்புகள்..

உணவைப் பருகியவாறு குதித்துக்கொண்டு ஓடியது

அழகிய அணில் கூட்டம்..

யாருமில்லாத அறையில்

சத்தம் போட்டுக்கொண்டிருந்தன

இரண்டு பல்லிகள்,

மேஜைமேல் வைத்திருந்த புத்தங்கங்களை

வாசித்துக்கொண்டிருந்தன

வெளிச்சமும் இருட்டும்!

---------------------------------------------------------------

மூடப்பட்டிருந்த பூங்காவில்

ஆடிக்கொண்டிருந்தன இரண்டு பறவைகள்..

ஓடிக்கொண்டிருந்தன இரண்டு அணில்கள்..

நடந்துகொண்டிருந்தன பல எறும்புகள்

பறந்துகொண்டிருந்தன சில இலைகள்

இவற்றை ஏக்கமாய் பார்த்துக்கொண்டிருக்கிறான்

சிறுவன் ஒருவன் வாயிற்கதவை பிடித்தபடி!